ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានទទួលជួបជាមួយនឹងអ្នកអង្កេតការអន្តរជាតិដែលមកអង្កេតការបោះឆ្នោតនៅកម្ពុជានៅថ្ងៃទី២៣ ខែកក្កដា ឆ្នាំ២០២៣ ខាងមុខ។ 

ជំនួបនេះធ្វើឡើងនៅទីស្ដីការគណៈរដ្ឋមន្ត្រីថ្ងៃទី២២ ខែកក្កដា ឆ្នាំ២០២៣នេះ។ 

សមាជិកព្រឹទ្ធសភាអាមេរិក លោក Dan Burton ដែលបានអញ្ជើញមកអង្កេតការបោះឆ្នោតនៅកម្ពុជាបានធ្វើការកោតសរសើរចំពោះដំណើរការប្រជាធិបតេយ្យនៅក្នុងប្រទេសនេះនិងសង្ឃឹមថាវាជាឧទាហរណ៍មួយដ៏ល្អទៅកាន់ពិភពលោកផងដែរ។ 

លោកថា៖ «ខ្ញុំដឹងច្រើនណាស់អំពីប្រវត្តិសាស្ត្រកម្ពុជា ដំណើរត្រឡប់ទៅសម័យ ប៉ុល ពត និងសង្គ្រាមវៀតណាម។ ហើយនេះជាការល្អណាស់ដែលឃើញប្រទេសកម្ពុជាក្លាយជាប្រទេសប្រជាធិបតេយ្យ ប្រជាធិបតេយ្យ ហើយខ្ញុំសូមជូនពរឱ្យយើងឃើញរឿងនេះបន្ថែមទៀតនៅក្នុងពិភពលោក»។

ប្រធានសហព័ន្ធសន្តិភាពសកលលោក Michael Jenkins បានលើកឡើងថា នេះជាលើកទីមួយហើយដែលលោកបានមកអង្កេតការបោះឆ្នោតនៅកម្ពុជានិងបានថ្លែងកោតសរសើរអំពីដំណើរការនៃការបោះឆ្នោតនេះផងដែរ។ 

គួរឲ្យដឹងផងដែរថា អ្នកសង្កេតការណ៍អន្តរជាតិ និងភ្ញៀវពិសេសសរុបចំនួន ៦០៤នាក់ ដែលមកពីជាង ៤០ស្ថាប័ន ដែលនឹងអញ្ជើញមកសង្កេតការណ៍បោះឆ្នោតនៅកម្ពុជានៅថ្ងៃអាទិត្យនេះ៕

PHOTO: KOK KY